Enfants de 5 a 10 ans

Qu’es aquò ?
L’Escoleta d’Estiu es una seccion de l’Escòla Occitana d’Estiu que prepausa d’activitats educativas en occitan, a la jornada, als mainatges de 5 a 10 ans. Se debana pendant l’estagi d’agost. Los dròlles son preses en carga per una equipa pedagogica, de 9 a 17 oras. Pòdon èstre en externat del 15 al 19 d’agost (amb la possibilitat de prendre lo repais de miègjorn sus plaça) o en pension complèta, amb los parents o un adulte responsable del 14 al 20 d’agost (pels parents participant a l’estagi de l’Escòla Occitana d’Estiu).

Qual public ?
Aquela Escoleta d’Estiu aculhirà :
- dròlles de Calandreta
- dròlles de Classa bilingüa
- dròlles que vòlon s’iniciar a l’occitan

	Las activitats : - visitas pedagogicas (ex : “Le Chaudron Magique”) - descobèrta de cants e danças tradicionals occitans - sortida a la piscina - jòcs dedins e defòra - arts plasticas : pintura, dessenh... - racontes o contes occitans - cosina o pastissariá : realisar una receta en occitan - preparacion d’un pichot espectacle (peçòta de teatre, cants, dança...) presentat al public e als estagiaris lo dijòus de ser
	Informacions practicas Acuèlh, lo Diluns 15 d’agost, a partir de 8.50 oras. Cal menar los enfants per 9 oras lo matin e los quèrre a 17 oras lo ser. L’Escoleta d’Estiu e l’Escòl’Adòs s’acaban lo Divendres 19 d’agost a 17 oras. Tarifas : tarifas 5-10 ans