Cours, Culture Occitane, Bain linguistique,Conversations interdialectales
Escòla occitana d'estiu
Corses, Cultura Occitana, Banh Lingüistic,Conversas interdialectalas
Connexion utilisateur
Las entrevistas de la Domenja Blanchard
Domenja Blanchard es occitana d'adopcion. S'interèssa a tot çò que tòca Occitània, e mai que mai a sa literatura, es atal que tenguèt pendent qualques annadas la librariá « caminanta » de l'IEO 31.
A entrepres de balhar un resson de l'occitanisme de las annadas 70-80, que foguèt plan important, tan del punt de vista de la lenga e de l'ensenhament coma del punt de vista artistic (cançons, literatura, teatre eca ...).
L'interès de lo materialisar per d'enregistraments audio es doble : d'un costat, los testimoniatges son mai vius e mai agradius, e d'un autre costat, los que foguèron los actors occitanistas de l'epòca son mai que mai locutors naturals, e aurem pas jamai pro de professors dins aqueste domèni per ensajar de nos fargar una lenga blosa e musicala.
Es de notar qu'aqueles enregistraments fan pas partida del malhum comercial, mas son comunicats a las diferentas mediatècas occitanas e a qualques personas susceptiblas de las divulgar sus la tela.
